Yoqqan yomg'ir emas, u ko'z yoshlarim
Qora bulut go'yo zulmat o'ylarim
Ko'chadagi tuman qalb tutunlarim, 
Oymomo dog'idek dilda dardlarim.

Hayollarla yashab charchadim bugun
Hayot ayting buncha bo'lmasa tugun.
Shahzodam kelar deb kutardim bir kun,
Kutaverib toldim, netay ushbu tun

Ko'nglimni ochmoqqa sirdosh izladim
Izlab toldim-u lek, darddosh topmadim
Dunyodan ranjidim, yana bo'zladim,
Nechun ziqnaman-a, baxt deb chopmadim

Mana, yashayapman, she'rlarim bilan,
Orzuni chizyapman, qalamim bilan.
Hali ham yolg'izman sirlarim bilan,
Hudbinligim hamda alamim bilan.