Tongda esgan shabadadan so'rayman 
Olib kelgin yurtim hidin, iforin.
Oltin kabi tuprog'in ko'zga surayman
Sog'inganman, havo, suvin, Bahorin.

 

Sog'inganman chumchuqlari chig'irlab
Orom bermay tongda tinmay kuylashin.
Sog'inganman bolajonlar qiqirlab
Bog'larida bekinmachoq o'ynashin

 

Sog'inganman  onajonlar jam bo'lib
Sumalaklar solib, davra qurishin.
Soginganman Navruzida halqimning
Dilda shodlik ila davron surishin!

 

Sog'inganman O'sha ona qishlog'im
Qatag'anim, mani aziz tuprog'im
Sen yaqinim lekin juda yirog'im
Senda onam, bolam, ko'zim qarog'im.

 

Jon qishlog'im aytchi rostini menga 
Sog'indingmi mendek darbadaringni?
Diydor qumsam talpinay doim senga
Bosgin meni ona qishloq bag'ringga.

 

Mayli bir on, bir zum anhor bo'yidan
Yalpizlaru qoqigullar terayin.
To'yib boy'lab bolajonim bo'yidan,
Etagida mayliga jon berayin!!